नेपाल कृषि अनुसन्धान परिषद् (ने.कृ.अ.प) अन्तर्गत राष्ट्रिय खाद्य अनुसन्धान केन्द्र (रा.खा.अ.के) ले निरन्तररुपमा नेपालको खाद्य तथा पोषण सुरकक्षा,खाद्य स्वच्छताका तथा आर्थिक सवलिकरणका लक्ष्यहरूलाई अग्रसर गर्न खाद्य विज्ञान, उत्पदानोप्रांरन्त प्रविधिकेन्द्रित रहेको छ। यस केन्द्रले  राष्ट्रिय र अन्तर्राष्ट्रिय प्राथमिकताहरू, विशेष गरी कृषि विकास रणनीति (ADS) २०१६ र दिगो विकास लक्ष्यहरू (SDGs), मुख्यतया SDG 1, SDG 2, SDG 3, SDG 8 र SDG 12 लाई सम्बोधन गर्ने दृढ प्रतिबद्धतालाई जनाउँछ। केन्द्रले लक्षित अनुसन्धान, नवीन प्रयोगहरू र अन्तर्राष्ट्रिय दात्री निकायको सहयोग मार्फत खाद्य प्रणालीमा सहनशीलता, आर्थिक विकास र सार्वजनिक स्वास्थ्यका क्षेत्रमा अग्रणी भूमिका निर्वाह गर्दै आएको छ। यस अवधिमा केन्द्रको अनुसन्धान पोर्टफोलियोमा ठूलो अभिवृद्धि भएको थियो, जस अन्तर्गत खाद्य विज्ञान, उत्पदानोप्रांरन्त प्रविधि र पोषण विश्लेषणका विविध क्षेत्रहरूमा विभिन्न परियोजनाहरू संचालन गर्दै आएको छ।साथसाथै,  केन्द्रले आइएसओ/आइईसी १७०२५:२०१७ मान्यता मापदण्डको प्रतिबद्धता कायम राख्दै, नेपालको खाद्य प्रणालीमा रहेका प्रजाति मूल्याङ्कनदेखि लिएर स्थानीय खाद्यपदार्थको अभिलेखीकरण तथा प्रयोगशाला सम्मको महत्त्वपूर्ण क्रियाकलापहरूलाई सीधा सम्बोधन गरेको थियो।